ბიძინა ივანიშვილის ბიზნესცენტრთან "გაერთიანებული ოპოზიცია- ძალა ერთობაშიას" აქტივისტების საპროტესტო აქცია დასრულდა. აქტივისტები სოლოლაკში, ივანიშვილის ბიზნესცენტრთან მანქანების კოლონით მივიდნენ. ისინი 2020 წლის საპარლამენტო არჩევნების შედეგებს აპროტესტებდნენ და აცხადებენ, რომ 31 ოქტომბრის არჩევნები გაყალბდა.
აქტივისტების განცხადებით, აქციის მიმდინარეობისას ბიზნესცენტრთან რამდენჯერმე გასოლის ხმა გაისმა, თუმცა ჯერჯერობით არ არის გარკვეული რა ტიპის იარაღიდან მოხდა გასროლა. ადგილზე ჯერ კიდევ რჩებიან სამართალდამცავები.
აქტივისტებმა დღეს დილიდან მანქანების კოლონით მსვლელობა დედაქალაქში რამდენიმე ლოკაციაზე მოაწყეს.