ვაკის საოლქო კომისიასთან აქციაზე ზვიად კუპრავასთან ერთად დაკავებული "ნაციონალური მოძრაობის" აქტივისტის გიორგი რურუას სასამართლო პროცესი გადაიდო. ამის შესახებ რურუამ თბილისის საქალაქო სასამართლოში ჟურნალისტებთან განაცხადა. მისივე თქმით, სამართალდამცველები წინააღმდეგობის გაწევას ედავებიან, თუმცა მტკიცებულებები არ აქვთ.
"მედავებოდნენ წინააღმდეგობის გაწევას, რისი ფაქტიც საბედნიეროდ არ აქვთ. სიტყვიერ შეურაცხყოფასაც ამბობდნენ, მაგრამ ამის მტკიცებულებაც არ ჰქონდათ. შესაბამისად, ვნახოთ რა იქნება. მტკიცებულებების არქონის გამო ჩემი სასამართლო პროცესი გადაიდო. ძალიან დიდი გაყალების ფაქტებია, სანაგვე ურნიდან ამოვიღეთ ბიულეტენები", - განაცხადა გიორგი რურუამ.
შეგახსენებთ, რომ გუშინ ვაკის საოლქო კომისიასთან აქციაზე ზვიად კუპრავასთან ერთად სამი პირი დააკავეს.