სახელმწიფო უსაფრთხოების სამსახურში საარჩევნო პროცესის კიდევ ერთი დამკვირვებლის, აკაკი გურჯიშვილის გამოკითხვა დასრულდა.
გურჯიშვილის თქმით, ის მოწმის სტატუსით გამოიკითხა. მისივე განცხადებით, მან გაუთქმელობის ხელშეკრულებას მოწერა ხელი და გამოკითხვის დეტალებზე ვერ ისაუბრებს.
გურჯიშვილმა ასევე თავი შეიკავა იმ კითხვების დასახელებისგან, რაც მას უწყებაში დაუსვეს.
“ჩატარდა გამოკითხვა. გაუთქმელობის ხელშეკრულებაზე მომაწერინეს ხელი. ალბათ ჩატარდება სასამართლო. კითხვებს ვერ დაგისახელებთ. მოწმის სტატუსით დავიკითხე. არაფერს არ მედავებიან ამ წუთში და მერე როგორ განვითარედება მოვლენები, არ ვიცი. საუბარი იყო მიმდინარე საარჩევნო მოვლენებზე და პროცესებზე”,- განაცხადა გურჯიშვილმა.
ცნობისთვის, სახელმწიფო უსაფრთხოების სამსახურში საარჩევნო
პროცესის დამკვირვებლების გამოკითხვა მიმდინარეობს. ერთ-ერთი დამკვირვებლის უფლებადამცველის, გიორგი გოგინავას ინფორმაციით, გამოძიება დაწყებულია სსკ-ის 315-ე მუხლით, რაც გულისხმობს შეთქმულებას საქართველოს კონსტიტუციური წყობილების შესაცვლელად.