ალიკა კუპრავა - გაბათილებულია უპრეცედენტოდ მაღალი - 146 192 ბიულეტენი

31 ოქტომბრის საპარლამენტო არჩევნებზე დაფიქსირდა ბათილი ბიულეტენების უპრეცედენტოდ მაღალი რაოდენობა. გაბათილებულია 146 192 ბიულეტენი, - ამის შესახებ „სამოქალაქო პლატფორმა 20/20“-ის დამკვირვებელმა, იურისტმა ალიკა კუპრავამ განაცხადა.

მისივე თქმით, ბათილი ბიულეტენების საერთო რაოდენობის 4,12%, ანუ 81 288 ბიულეტენი მაჟორიტარულია, ხოლო 3,29 %, 64 904 ბიულეტენი - პროპორციული.

„მაშინ, როცა ყველა ხმას, ზოგიერთ მაჟორიტარულ ოლქში, გადამწყვეტი მნიშვნელობა აქვს და დიდია კონკურენცია პოლიტიკურ სუბიექტებს შორის, თითოეული გაბათილებული ბიულეტენი შესაძლოა ცვლიდეს არჩევნების საერთო შედეგს. კანონით დასაშვები შემთხვევების გარდა, ბიულეტენების გაბათილებას, შესაძლოა, ხელი შეუწყონ საუბნო საარჩევნო კომისიის დაინტერესებულმა წევრებმა, რომლებმაც შეგნებულად, კანონდარღვევით და საფუძვლის გარეშე, შეიძლება გააბათილონ მათთვის მიუღებელი საარჩევნო სუბიექტის ბიულეტენები, რაც ავტომატურად მათთვის მისაღები პოლიტიკური სუბიექტისთვის უკეთეს შედეგს ნიშნავს“, - განაცხადა კუპრავამ.

მისივე შეფასებით, 31 ოქტომბრის საპარლამენტო არჩევნებზე საუბნო კომისიების მხრიდან ბიულეტენების გაბათილება, შესაძლოა, იყოს შეგნებული ნაბიჯი, რომელიც სახელისუფლებო პარტიის სასარგებლოდ გაკეთდა.

„ჩვენმა ორგანიზაციამ ასზე მეტი საჩივარი დაწერა საარჩევნო ადმინისტრაციის სხვადასხვა დონეზე, თუმცა უშედეგოდ. თითქმის ყველა საჩივარი საოლქო კომისიებმა განუხილველი დატოვეს“, - განაცხადა კუპრავამ.

ინფორმაციას სამოქალაქო პლატფორმა 20/20 ავრცელებს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება