გიგა ბოკერია მამუკა მდინარაძის განცხადებაზე - სისულელის ნიაღვარი მდინარაძისგან ან ნებისმიერი სხვა "კლოუნისგან" აზრს მოკლებულია

როცა მესამედში პროპორციული ბიულეტენების და მაჟორიტარულის თითქმის ნახევარში არის დისბალანსი და ამ ტიპის დისბალანსი, რომელიც ყველამ ნახა, არა რაიმე არაოფიციალურ გვერდზე, არამედ ცესკო-ს ოფიციალურ გვერდზეა, საერთოდ მთელი ეს ნიაღვარი სისულელის მდინარაძისგან ან ნებისმიერი სხვა "კლოუნისგან" აზრს მოკლებულია საერთოდ, - ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ განაცხადა, რითაც გამოეხმაურა მამუკა მდინარაძის განცხადებას, რომლის თანახმადაც 19-ამდე უბნის გადათვლის შედეგად, არანაირი გაყალბების კვალი და მმართველი პარტიის სასარგებლო დარღვევა არ გამოვლინდა.

ბოკერიამ აღნიშნა, რომ სხვადასხვა მანიპულაციებითა და მეთოდებით "ქართულმა ოცნებამ" მოახდინა საზოგადოების ნების აშკარა გაყალბება.

„რაც შეეხება გადათვლას, სადაც თვითონ შეარჩევენ და გადათვლიან რამდენ უბანშია, ეს კი არა არის ტესტი, ტესტია ის, რომ სადაც რეპუტაციის მქონე სადამკვირვებლო ჯგუფები ან ოპოზიცია ითხოვს გადათვლას, იქ რომ საერთოდ არც იხილავენ საჩივრებს, რაც ვნახეთ მთელი ამ დღეების განმავლობაში. სურათი არის ძალიან მკაფიო და ძალიან მძიმე ქვეყნისთვის და ამის შემოქმედი არის ივანიშვილის მთავრობა, ივანიშვილის სუს-ი და ივანიშვილის საარჩევნო კომისიები, რომლებმაც მთელი ამ პერიოდის განმავლობაში, განსაკუთრებით საარჩევნო დღეს და ღამეს ოპერაცია ჩაატარეს და ივანიშვილის, ე.წ. "ბიძინას კარუსლებს", რასაც ეძახიან გაკონტროლების, ხმის ყიდვის, დაშინების და ჩაყრის ინსტრუმენტების გამოყენებით. ამ მეთოდებით მოხდა ჩვენი საზოგადოების ნების აშკარა გაყალბება, ივანიშვილმა ვერ მოიპოვა მანდატი ჩვენი ხალხის, ამიტომაა ეს შედეგი, რაც ცესკო-ს უდევს არალეგიტიმური“, - განაცხადა ბოკერიამ.

ცნობისთვის, უმრავლესობის ლიდერის, მამუკა მდინარაძის განცხადებით 19-მდე უბნის გადათვლის შედეგად, არანაირი გაყალბების კვალი და მმართველი პარტიის სასარგებლო დარღვევა არ გამოვლინდა. მისივე თქმით, გადათვლის შედეგად, მცირედით გაუმჯობესდა კიდეც მმართველი პარტიის შედეგები.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!