გიორგი გახარია - ვამზადებთ დამატებით ღონისძიებებს როგორც ბიზნესის, ასევე მოქალაქეების სოციალური მხარდაჭერის თვალსაზრისით

ვამზადებთ დამატებით ღონისძიებებს როგორც ბიზნესის მხარდაჭერის, ასევე ჩვენი მოქალაქეების სოციალური მხარდაჭერის თვალსაზრისით, - ამის შესახებ საქართველოს პრემიერ-მინისტრმა გიორგი გახარიამ განაცხადა.

მისი თქმით, ეკონომიკის მთავარი გამოწვევა პირველ რიგში, გლობალური პანდემიაა.

„ჩვენი ეკონომიკის ძირითადი გამოწვევები, პირველ რიგში, იყო გლობალური პანდემია, გლობალური ეკონომიკური კრიზისი, თუმცა ჩვენ აღდგენის პროცესი დაწყებული გვქონდა და საკმაოდ კარგად მივდიოდით, ამას დაემატა რამდენიმე ახალი მდგენელი, ეს ცნობილია, რეგიონში კონფლიქტი, რომელიც გაურკვევლობის ხარისხს კიდევ უფრო ზრდის და რა თქმა უნდა, ახლა ეს პოლიტიკური ტურბულენტობა, რომელიც ჩვენი ყველას ერთობლივი ამოცანაა, რაც შეიძლება სწრაფად დავასრულოთ, რომ ეკონომიკაში მეტი სტაბილურობა შემოვიტანოთ”, - აღნიშნა პრემიერმა.

მთავრობის მეთაურის თქმით, მას დღეს ჰქონდა შეხვედრა საერთაშორისო სავალუტო ფონდის ხელმძღვანელებთან, საქართველოში მიმდინარე ეკონომიკური პროცესების, გამოწვევების შეფასების და მათზე პასუხის თვალსაზრისით.

„მინდა გითხრათ, რომ გამოწვევები იქნება მართლაც სერიოზული, განსაკუთრებით წლის ბოლომდე. ჩვენ ვამზადებთ ახლა დამატებით ღონისძიებებს, როგორც ბიზნესის მხარდაჭერის თვალსაზრისით, ასევე ჩვენი მოქალაქეების სოციალური მხარდაჭერის თვალსაზრისით. აქტიურად ვმუშაობთ ჩვენს საერთაშორისო პარტნიორებთან. ჩვენი გვესმის, რომ წელი იქნება საკმაოდ რთული, თუმცა ჩვენ გვაქვს ყველა შესაძლებლობა იმისთვის, რომ რეგიონში და ფართოდ რეგიონში, სხვებთან შედარებით, უკეთესად გავიაროთ და შევინარჩუნოთ სწრაფი ეკონომიკური აღდგენის პოტენციალი", - აღნიშნა პრემიერმა ტელეკომპანია “იმედის“ ეთერში.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია