6-7 ნოემბერის ღამეს სამხედრო ოპერაციები მთიანი ყარაბაღის ფრონტის ხაზის ყველა მიმართულებით გრძელდებოდა, - ამის შესახებ ინფორმაციას სომხური მედია არაღიარებული მთიანი ყარაბაღის „თავდაცვის არმიაზე“ დაყრდნობით ავრცელებს.
მათივე ინფორმაციით, წუხელ ბრძოლები განსაკუთრებული ინტენსივობით შუში-კარინ ტაკის მონაკვეთზე მიმდინარეობდა. „თავდაცვის არმიის დანაყოფებმა წარმატებით მოიგერიეს აზერბაიჯანული მხარის შეტევის უამრავი მცდელობა და დიდი რაოდენობით ცოცხალი ძალა გაუნადგურეს,“- აცხადებენ არაღიარებულ მთიან ყარაბაღში.