ავსტრიაში, ბოლო 24 საათში კორონავირუსის 8 421 ახალი შემთხვევა დადასტურდა, რაც რეკორდულად მაღალი დღიური მაჩვენებელია ქვეყნისთვის, - ამის შესახებ ინფორმაციას Reuters-ი ავსტრიულ მედიაზე დაყრდნობით ავრცელებს.
ამასთან, ვირუსს ქვეყანაში კიდევ 37 ადამიანის სიცოცხლე ემსხვერპლა.
ცნობისათვის, ავსტრიაში რამდენიმე დღის წინ კორონავირუსთან დაკავშირებული ახალი შეზღუდვები დაწესდა, რომლის ფარგლებშიც მოქალაქეებს საღამოს 8-დან დილის 6 საათამდე გარეთ გასვლა ეკრძალებათ, ასევე დაუშვებელია ორზე მეტი ოჯახის წევრების შეკრება. დაიხურა მუზეუმები, თეატრები, კინოთეატრები და საცურაო აუზები, აიკრძალა ყველა სახის ღონისძიება, მათ შორის ქორწილები.