ირანში, ბოლო დღე-ღამის განმავლობაში კორონავირუსის 9 450 ახალი შემთხვევა გამოვლინდა, რაც რეკორდულად მაღალი დღიური მაჩვენებელია ქვეყნისთვის, - შესაბამის მონაცემებს ქვეყნის ჯანდაცვის სამინისტრო ავრცელებს.

ამავე მონაცემების თანახმად, ქვეყანაში ვირუსს კიდევ 423 ადამიანის სიცოცხლე შეეწირა. ირანში, პანდემიის გავრცელების დროიდან კოვიდ 19-ით ინფიცირების 673 250 შემთხვევაა დადასტურებული, აქედან 37 832 პაციენტი დაიღუპა.

ირანში 10 ნოემბრიდან კორონავირუსთან დაკავშირებით ახალი შეზღუდვები წესდება, რომლის ფარგლებშიც ყველა არააუცილებელი ბიზნეს ობიექტი საღამოს 6 საათზე დაიხურება.