ცენტრალურ საარჩევნო კომისიასთან აქცია მიმდინარეობს. შენობასთან ოპოზიციური პარტიების წევრები და მხარდამჭერები შეიკრიბნენ, კერძოდ, ადგილზე "ევროპული საქართველოს" და "ლელოს" მხარდამჭერები იმყოფებიან.

მათ ადგილზე პერსონაჟ "გრინჩის" ფიტული მიიტანეს, სადაც ბიძინა ივანიშვილის და თამარ ჟვანიას ფოტოებია განთავსებული. აქციის მონაწილეებსა და ცესკო-ს შენობას შორის რკინის ჯებირია აღმართული.

აქციის მონაწილეები ცესკოს არჩევნების გაყალბებაში ადანაშაულებენ.

"ჩვენ ვაგრძელებთ ბრძოლას ამ მანკიერი სისტემის წინააღმდეგ, ამ ქურდბაცაცა ბიძინა ივანიშვილის წინააღმდეგ, რომელმაც თითოეული ჩვენგანის ხმა მოიპარა. ეს ბრძოლა გრძელდება! -განაცხადა აქციის ერთ-ერთმა მონაწილემ.