„გუდავაძე-პატარკაციშვილის ფონდმა“ მომავალი პედაგოგებისთვის სტიპენდიები დააწესა

„გუდავაძე-პატარკაციშვილის ფონდის“ ინიციატივით, იაკობ გოგებაშვილის სახელობის თელავის სახელმწიფო უნივერსიტეტში სტუდენტური სტიპენდიების ხელმოწერის ცერემონიალი გაიმართება. ამის შესახებ „ინტერპრესნიუსს“ „გუდავაძე-პატარკაციშვილის ფონდიდან“ აცნობეს.

მათი ინფორმაციით, ღონისძიებაზე ხელშეკრულება გაფორმდა განათლების მეცნიერებათა ფაკულტეტის იმ ათ წარჩინებულ სტუდენტთან, რომლებმაც ყველაზე მაღალი ქულები დააგროვეს გასულ სასწავლო წელს და შედეგად "გუდავაძე-პატარკაციშვილის ფონდის" სტიპენდიანტები გახდნენ.

„შეხვედრას „გუდავაძე-პატარკაციშვილის ფონდის“ დირექტორი ზურაბ კერვალიშვილი, თელავის სახელმწიფო უნივერსიტეტის რექტორი ირმა შიოშვილი, პროფესორ მასწავლებლები და ფონდის ახალი სტიპენდიანტები დაესწრნენ.

„გუდავაძე-პატარკაციშვილის ფონდის“ მიერ ინიცირებული სასტიპენდიო პროექტის მიზანია, ხელი შეუწყოს პედაგოგის პროფესიის პოპულარიზაციას, დამატებითი მოტივაცია გაუჩინოს მომავალ პედაგოგებს, პარტნიორ უნივერსიტეტებში შექმნას მაღალი აკადემიური მოსწრების აბიტურიენტების მოზიდვის მეტი შესაძლებლობა. ამ მიზნის მისაღწევად გპფ-მ უკვე გამოყო სტიპენდიები სამი სახელმწიფო უნივერსიტეტის წარჩინებული სტუდენტებისთვის, რომლებიც ჩამოთვლილ უმაღლეს სასწავლებლებში ქვეყნის საშუალო განათლების პედაგოგიურ კონტინგენტს გააძლიერებს. პროექტის ფარგლებში მიმდინარე კვირას უკვე გაფორმდა ხელშეკრულება გორის სახელმწიფო სასწავლო უნივერსიტეტთან. უახლოეს პერიოდში ასევე იგეგმება შეხვედრა სამცხე-ჯავახეთი სახელმწიფო უნივერსიტეტის წარმატებულ სტუდენტებთან, რომლებიც ფონდის სტიპენდიანტები გახდნენ.

ჩამოთვლილ უნივერსიტეტებთან მიმდინარე წლის ზაფხულში უკვე გაფორმდა ურთიერთთანამშრომლობის მემორანდუმი, რომლის საფუძველზეც ფონდის მიერ გამოიყო სტიპენდიები გორის სახელმწიფო სასწავლო უნივერსიტეტის განათლების, ზუსტ და საბუნებისმეტყველო მეცნიერებათა ფაკულტეტის, თელავის სახელმწიფო უნივერსტიტეტის განათლების მეცნიერებათა ფაკულტეტის და სამცხე-ჯავახეთის სახელმწიფო უნივერსიტეტის განათლების, ჰუმანიტარულ და სოციალურ მეცნიერებათა ფაკულტეტის იმ გამორჩეული და წარჩინებული სტუდენტებისათვის, რომლებიც პედაგოგის პროფესიას ეუფლებიან და ამ სფეროში ახორციელებენ სამეცნიერო მუშაობას“, - აღნიშნულია ინფორმაციაში.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს