გრიგოლ ვაშაძე აქციის მონაწილეებს - არ დაიღალოთ, არ დანებდეთ!

ბატონო ხელისუფლება, შეხედეთ ამ ხალხს, პირბადეებშია ყველა, ყველა იცავს შეძლებისდაგვარად წესებს, რაც დაწესებული გაქვთ, მაგრამ მთავარი წესი რომ არ დააწესეთ, რომ არჩევნები არ უნდა გააყალბოთ?! - ამის შესახებ „ნაციონალური მოძრაობის“ ერთ-ერთმა ლიდერმა გრიგოლ ვაშაძემ პარლამენტთან მიმდინარე აქციაზე სიტყვით გამოსვლისას განაცხადა.

როგორც მან აღნიშნა, ყველა, ვისაც მოსვლის სურვილი ჰქონდა, ალბათ ვერ მოვიდა, თუმცა, აქ მოსული ხალხი დაიცავს ყველას ხმას, რომელიც „უსინდისოდ მოიპარეს“.

„"ქართული ოცნება" პატრიოტიზმზე გველაპარაკება, არ ხართ თქვენ ბატონებო, პატრიოტები პატრიოტი ის არის, ვინც სხვისი ოჯახის გაჭირვებას და სხვისი დედის ცრემლს თავისად აღიქვამს, პატრიოტი ის არის, ვინც კაბინეტში რომ შედის, უკვე მზად არის ხალხის მოთხოვნისთანავე დატოვოს ეს კაბინეტი, პატრიოტი ის არის, ვისაც სჯერა, რომ 2012 წელს ხელისუფლების მშვიდობიანი გადაცემა ჩვენს პოლიტიკურ ისტორიაში იზოლირებულ ეპიზოდად არ უნდა დარჩეს, ვისაც სჯერა, რომ სასამართლო უნდა იყოს უმაღლესი ინსტანცია და ხალხის ნების გამომხატველი, ვისაც სჯერა, რომ ეს ქვეყანა არის საქართველოს მოქალაქისთვის, ხელისუფლება არის მოქალაქისთვის და არა მოქალაქე ხელისუფლებისთვის.

იძახიან გვირაბის ბოლოს შუქი გამოჩნდაო, აღარ გათავდა ეს დედააფეთქებული გვირაბი.

სასამართლო, კანონი, სამართალი, მოქალაქეების ნების პატივისცემა - აი, რა გვჭირდება ჩვენ. ვინც დღეს აქ შეიკრიბა, ბატონო ხელისუფლება, შეხედეთ ამ ხალხს, პირბადეებშია სულ ყველა, ყველა იცავს შეძლებისდაგვარად იმ წესებს, რაც დაწესებული გაქვთ, მაგრამ მთავარი წესი რომ არ დააწესეთ, რომ არჩევნები არ უნდა გააყალბო?! ვერცერთი პარტია და ვერც პარტიების ერთობა ვერაფერს შეძლებს, თქვენ თუ მტკიცედ არ დადექით, ამიტომ მაქვს ეს თხოვნა - არ დაიღალოთ, არ დანებდეთ, არ მიატოვოთ ეს საქმე, სახლში მისასვლელები ვართ და შვილებს უნდა ჩავხედოთ თვალში და ვუთხრათ: ან ასეთ ქვეყანას გიტოვებთ, რომელზეც ამ ტრიბუნაზე 88 და 90 წელს მდგომი ხალხი ოცნებობდა, ან კიდევ გიტოვებთ პოსტსაბჭოთა ჭაობს, საიდანაც გაიქცევით თქვენ სულ ყველა“, - განაცხადა ვაშაძემ.

იხილთ ვიდეო

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა