სომხეთის თავდაცვის სამინისტროს ოფიციალური წარმომადგენელი არცრუნ ჰოვანისიანი უარყოფს აზერბაიჯანის პრეზიდენტის ილჰამ ალიევის განცხადებას, მთიანი ყარაბაღის სტრატეგიული ქალაქის - შუშას აღების შესახებ.
„ბრძოლები შუშაში გრძელდება, დაელოდეთ და გჯეროდეთ ჩვენი არმიის“ , - წერს ჰოვანისიანი „ფეისბუკის“ გვერდზე.
ცნობისთვის, აზერბაიჯანის პრეზიდენტის ილჰამ ალიევის განცხადებით, აზერბაიჯანის არმიამ მთიანი ყარაბაღის ქალაქი შუშა გაათავისუფლა.
"დიდი სიამაყით ვაცხადებ, რომ ქალაქი შუშა გათავისუფლებულია სომხური ოკუპაციისგან. შუშა ჩვენია! ყარაბაღი ჩვენია!",- განაცხადა მან.