უმრავლესობის ვიცე-სპიკერის, გიორგი კახიანის განცხადებით, ოპოზიციური პარტიების ულტიმატუმის შესრულებას „ქართული ოცნება“ არ აპირებს.

როგორც კახიანმა პარტია „ქართული ოცნება - დემოკრატიული საქართველოს“ ოფისში ჟურნალისტებს განუცხადა, ოპოზიციური პარტიების მოთხოვნა აბსურდულია.

„მათი უფლებაა, რომ კანონის და გამოხატვის თავისუფლების ფარგლებში მოაწყონ საპორტესტო აქციები და მათი უფლებაა აბსურდული მოთხოვნები დააყენონ ამ აქციებზე. თუმცა, ბუნებრივია, რომ ჩვენ ამას სერიოზულად არც ვუყურებთ. იმედი მაქვს, ისინი ძალიან მალე თავადვე გაათვითცნობიერებენ თავიანთი მოთხოვნების აბსურდულობას და მიხვდებიან, რომ პოლიტიკურ ჩიხში აღმოჩნდებიან. იმედი მაქვს, დაუბრუნდებიან საარჩევნო რეჟიმს და მოგვიანებით საპარლამენტო ცხოვრებას“, - განაცხადა კახიანმა.

ოპოზიციური პარტიები ხელისუფლებას სამი მოთხოვნით მიმართავენ. მოთხოვნები პარლამენტთან მიმდინარე აქციაზე ელენე ხოშტარიამ გააჟღერა.

უფრო კონკრეტულად, ოპოზიციური სპექტრი მოითხოვს:

1. ჩატარდეს ხელახალი საპარლამენტო არჩევნები;
2. გადადგეს თამარ ჟვანია და კომისიები სამართლინი წესით დაკომპლექტდეს;
3. გათავისუფლდნენ პოლიტპატიმრები.