თვითონ ბიძინა ივანიშვილის და მისი სამარცხვინო გარემოცვის ინტერესშია, დროზე გადმოდგას ნაბიჯი, რაც საქართველოს სჭირდება, - ამის თაობაზე “ევროპული საქართველოს“ ერთ-ერთმა ლიდერმა გიგა ბოკერიამ ჟურნალისტებს განუცხადა.
ბოკერიას თქმით, უნდა ჩატარდეს ხელახალი საპარლამენტო არჩევნები არსებითად შეცვლილ საარჩევნო ატმოსფეროში, რაც ცესკოს გამოცვლას და პოლიტიკური პატიმრების გათავისუფლებას გულისხმობს. მისივე განცხადებით, თუკი ივანიშვილი გონს არ მოვა, პროტესტი გაგრძელდება.
“გაგრძელდება პროტესტი - მწარე, მაგრამ მშვიდობიანი და ყოვლისმომცველი. პარადოქსია, მაგრამ თვითონ ივანიშვილის და მისი სამარცხვინო გარემოცვის ინტერესშია, რომ გადადგას ნაბიჯი, რაც საქართველოს სჭირდება. ეს არის ამ სამარცხვინო არჩევნების შედეგების გაუქმება და ხელახალ არჩევნებთან დაკავშირებით დიალოგის დაწყება“, - განაცხადა გიგა ბოკერიამ.