პალესტინის ლიდერი მაჰმუდ აბასი აშშ-ის პრეზიდენტობის კანდიდატს ჯო ბაიდენს სთხოვს, ამერიკის საელჩო კვლავ თელ-ავივში დააბრუნოს. ამის შესახებ მედია აბასის ოფისში წყაროზე დაყრდნობით წერს.

„პალესტინელი წყარო აცხადებს, რომ მართალია, ბაიდენი და მისი თანამშრომლები აპირებენ, საელჩო იერუსალიმში დარჩეს და აშშ შეინარჩუნებს დონალდ ტრამპის მიერ აღიარებულ იერუსალიმის სტატუსს, როგორც ისრაელის დედაქალაქს, აბასი სთხოვს ბაიდენს, გააუქმოს ამერიკის მიერ იერუსალიმის აღიარების სტატუსი და საელჩო კვლავაც თელ-ავივში დააბრუნოს“, - წერს გამოცემა israelhayom.com.

გამოცემის ცნობით, პალესტინამ ბაიდენს გაუგზავნა შეტყობინება, ისრაელთან მშვიდობიანი მოლაპარაკებების განახლების მზადყოფნის შესახებ იმ მომენტიდან, რომელიც 2016 წელს შეწყდა.