ლევან ხაბეიშვილი მმართველ პარტიაზე - აბსურდი არის ის, სადაც ახლა თვითონ შედიან და ამ აბსურდიდან გამოსვლა ძალიან გაუჭირდებათ

აბსურდი არის ის, სადაც ახლა თვითონ შედიან და ამ აბსურდიდან გამოსვლა ძალიან გაუჭირდებათ, - ასე პასუხობს „ნაციონალური მოძრაობის“ წევრი ლევან ხაბეიშვილი „ინტერპრესნიუსთან“ მმართველი პარტიის პოზიციას ოპოზიციის მოთხოვნების აბსურდულობასთან დაკავშირებით.

მისი თქმით, ხელისუფლება არაადეკვატურია, ოპოზიცია და ხალხი კი უკან დახევას არ აპირებს.

„სამწუხარო რეალობაა, რომ როგორც არჩევნები გააუქმა ბიძინა ივანიშვილმა, ამ არჩევნების გაუქმების შემდეგ უკან დახევას არ აპირებს და ფაქტობრივად, მთელი საზოგადოება და ოპოზიციაც არის შეთანხმებული იმაზე, რომ არჩევნები გაყალბდა და არალეგიტიმურია. ულტიმატუმი, რომელიც გამოაცხადა ნიკა მელიამ არის ოპოზიციის ერთობლივი შეთანხმება და როცა ასეთი არაადეკვატურია ხელისუფლება, დაამთავრებს ძალიან ცუდად. თუ ფიქრობს, რომ ვინმე დაიღლება, ეს ასე არ მოხდება, ბრძოლა გაგრძელდება მანამ, სანამ ქართველი ხალხი გამარჯვებას არ მოიპოვებს, ამიტომ ან ახლა ამ არჩევანს დაუბრუნებს ხალხს ან არადა არავინ აპირებს უკან დახევას და მოდით პირდაპირ ვთქვათ, აშშ-ის საელჩოს გუშინდელი განცხადება, სადაც ლაპარაკი იყო იმაზე, რომ ლეგიტიმაციასთან დაკავშირებით კითხვები არ უნდა იყოს, დღეს ოპოზიციამ გამოამჟღავნა მაღალი პასუხისმგებლობა და არა მარტო დღეს, მათ შორის, ყველა სამართლებრივი ნაბიჯი გავიარეთ, გასაჩივრებები, სასამართლოც კი, მიუხედავად იმისა, რომ ამის რწმენა არავის აქვს, ჩვენ ყველაფერს ვაკეთებთ კანონის შესაბამისად. ყველა ხედავს, მათ შორის საერთაშორისო პარტნიორები, რომ მზად ვართ მოლაპარაკების მაგიდასთან დასაჯდომად, ამ დროს „ქართული ოცნება“ არ ელაპარაკება ხალხს“, - განაცხადა ხაბეიშვილმა.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 18.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის