მიდგომა რაც დავამკვიდრეთ მშვიდობიანი პროტესტის მიმართ, აუცილებლად იქნება ამ დღეებშიც შენარჩუნებული, - ამის შესახებ „ქართული ოცნების“ აღმასრულებელმა მდივანმა ირაკლი კობახიძემ ჟურნალისტებთან განაცხადა.

მისი თქმით, საერთაშორისო პარტნიორებმა ოპოზიციას მშვიდობიანი პროტესტისკენ მოუწოდეს.

„ყველამ უნდა გაუწიოს ანგარიში ჩვენი საერთაშორისო პარტნიორების მოწოდებას. მოწოდება იყო ორივე მხარის მიმართ შემდეგი: მათ მოუწოდეს ოპოზიციის წარმომადგენლებს მშვიდობიანი პროტესტისკენ, ხელისუფლებას კიდევ ერთხელ შეგვახსენეს, რაც ბუნებრივია კარგად ვიცით, რომ მშვიდობიან პროტესტს სჭირდება სათანადო მიდგომა. ეს მიდგომა რაც დავამკვიდრეთ ზოგადად 2012 წლიდან მოყოლებული მშვიდობიანი პროტესტის მიმართ აუცილებლად იქნება ამ დღეებშიც შენარჩუნებული“, - განაცხადა კობახიძემ.