ირაკლი კობახიძე - აქციაზე, პიკზე იყო 7 ათასამდე ადამიანი, წამზომის გამორთვამდე კი მათი რაოდენობა 3 ათასამდე შემცირდა, შეიძლება 2500 კაციც იდგა იმ დროისთვის

„ქართული ოცნების“ აღმასრულებელი მდივნის ირაკლი კობახიძის განცხადებით, რუსთაველის გამზირზე აქციის დაწყებისას 7 ათასამდე ადამიანი იყო მისული, აქციის დასასრულს კი 2500-დან 3000-მდე მოქალაქე იმყოფებოდა.

ამის შესახებ მან პარტიის ოფისში გამართულ ბრიფინგზე განაცხადა.

"დღეს მგონი, ყველამ კარგად დაინახა ყველაფერი - აქციაზე, პიკზე იყო 7 ათასამდე ადამიანი და ამ ადამიანების რაოდენობა წამზომის გამორთვამდე, რაც თავისთავად საინტერესო მოვლენა იყო, შემცირებული იყო დაახლოებით 3 ათას კაცამდე, შეიძლება 2500 კაციც იდგა იმ დროისთვის აქციაზე. ეს იყო რეალურად აქციის მონაწილეთა რაოდენობა. მათ სჭირდებათ ხოლმე აქციის დასრულების დროს გასასვლელი და ეს გასასვლელი მათთვის აღმოჩნდა ცესკო. მივლენ ცესკოსთან, მერე დაიშლებიან და არ ვიცი, როგორ გააგრძელებენ. დღეს ყველაფერი გამოჩნდა ამ აქციით, ქართველმა ხალხმა მყარად დაადასტურა არჩევნების იმ შედეგების მიმართ ნდობა, რომელიც 31 ოქტომბერს დაფიქსირდა, როცა მილიონამდე ქართველმა მოქალაქემ მხარი დაუჭირა იმ კურსს, რომელიც აღებულია. ეს არის დასავლური კურსი, განვითარების, მშვიდობისა და სტაბილურობის კურსი. ეს განსხვავებული იყო 2012 წლამდე და შემოვაბრუნეთ ჩვენ", - განაცხადა ირაკლი კობახიძემ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა