ირაკლი კობახიძე - ოპოზიციას დავეხმარებით, რომ ჩიხური მდგომარეობიდან გამოვიდნენ
ჩვენ დავეხმარებით ოპოზიციას, რომ ამ მართლაც ჩიხური მდგომარეობიდან გამოვიდნენ,- ამის შესახებ „ქართული ოცნების“ აღმასრულებელმა მდივანმა ირაკლი კობახიძემ ჟურნალისტებთან განაცხადა.
როგორც მან აღნიშნა, ამ პროცესში საერთაშორისო პარტნიორების დახმარების იმედი აქვს.
„7000 - კაციანი აქციის ფონზე ასეთი ტიპის მოთხოვნების დაყენება, ბუნებრივია, არ არის რეალისტური თავისი შინაარსით, მაგრამ ჩვენი ვალია მრავალპარტიული პარლამენტის მიზნისთვის, რომ ჩიხური მდგომარეობიდან ჩვენი ძალისხმევით მათ შორის, გამოვიყვანოთ ოპოზიცია და ამაში იმედი გვაქვს, რომ საერთაშორისო პარტნიორებიც დაგვეხმარებიან“, - განაცხადა კობახიძემ.
