მამუკა მდინარაძე - მოვუწოდებთ აქციის ორგანიზატორებსა და მონაწილეებს, დაიცვან რეგულაციები და არ გასცდნენ პროტესტის მშვიდობიანი გამოხატვის ფორმებს

საპარლამენტო უმრავლესობის ლიდერის მამუკა მდინარაძის განცხადებით, აქციის ორგანიზატორებმა კოვიდპანდემიის პრევენციისთვის ყველა მოწოდება და რეგულაცია ყურადღების მიღმა დატოვეს. ამის შესახებ მან პარტიის ოფისში გამართულ ბრიფინგზე განაცხადა.

მდინარაძე აქციის მონაწილეებსა და ორგანიზატორებს რეგულაციების დაცვას მოუწოდებს.

"დღეს ჩვენ ვნახეთ მოცემულობა, როცა აქციის ორგანიზატორებმა აბსოლუტური იგნორირება გაუკეთეს ჩვენი დასავლელი პარტნიორების მოწოდებას, კოვიდინფექციის პრევენციასთან დაკავშირებით. მას შემდეგ, რაც მათ აქცია ჩაუფლავდათ, გადაინაცვლეს ცესკოსთან, სადაც აქციის მონაწილეებმა ასევე არ გაითვალისწინეს ჩვენი უცხოელი პარტნიორების მოწოდება პროტესტი მშვიდობიანი გზით გამოეხატათ. მათ სცადეს ცესკოს შენობაში შეჭრა, პოლიციელებს ქვებსა და სხვადასხვა ნივთებს ესროდნენ, რასაც პოლიციის მხრიდან საპასუხო რეაქცია მოყვა. როგორც ჩანს, მათ არ მოსწონთ უპრეცედენტო გადაწყვეტილება, რომლის მიხედვითაც, დაახლოებით 30 უბანზე უკვე გადაითვალა ბიულეტენები, დამატებით სასამართლოს დავალებით მიმდინარეობს 10-მდე უბანზე გადათვლა, ჯერჯერობით ამ გადათვლის შედეგად რაიმე არსებითი დარღვევა გამოვლენილი ვერ იქნა, არათუ გაყალბება რაიმე ფაქტი. ვუერთდები ჩვენი ამერიკელი და ევროპელი პარტნიორების მოწოდებას და ჩვენც კატეგორიულად მოვუწოდებთ აქციის ორგანიზატორებსა და მონაწილეებს დაიცვან რეგულაციები, არ გასცდნენ პროტესტის მშვიდობიანი გამოხატვის ფორმებს. წინააღმდეგ შემთხვევაში, სახელმწიფო ყველა კანონდარღვევას პროპორციულად უპასუხებს და არ დაუშვებს მათი მხრიდან კანონის ჩარჩოებიდან გასვლის ნებისმიერ პრეცედენტსა და ასეთ მცდელობას", - განაცხადა მდინარაძემ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება