პანდემიის დაწყების დროიდან აშშ პირველი ქვეყანა გახდა მსოფლიოში, სადაც კოვიდინფიცირებულთა რაოდენობამ 10 მილიონს გადააჭარბა, - ამის შესახებ ინფორმაციას Reuters-ი ავრცელებს.
აღსანიშნავია, რომ ქვეყანაში კოვიდ 19-ით ინფიცირების მილიონამდე შემთხვევა ბოლო 10 დღის განმავლობაში გამოვლინდა.
აშშ-ში შაბათს კორონავირუსის 131 420 ახალი შემთხვევა დადასტურდა, რაც რეკორდულად მაღალი დღიური მაჩვენებელია ქვეყნისთვის. რაც შეეხება ფატალურ შემთხვევებს, Reuters-ის ინფორმაციით, აშშ-ში ვირუსს დღემდე 237 000-ზე მეტი ადამიანის სიცოცხლე ემსხვერპლა.
ცნობისათვის მსოფლიოში კოვიდინფიცირებულთა რაოდენობამ 50 მილიონს გადააჭარბა.