სალომე სამადაშვილი - საერთაშორისო პარტნიორებსაც ესმით, რომ დღეს კრიზისს ქმნის ხელისუფლება - მოლაპარაკებების საგანი უნდა იყოს, როგორ ვემზადებით განმეორებითი არჩევნებისთვის

სრულიად ვიზიარებ იმ პათოსს, რომ ჩვენ უნდა მოვძებნოთ ჩიხიდან გამოსავალი და მოლაპარაკებები უნდა შედგეს, მაგრამ თუ არსებობს რაიმე სხვა გადაწყვეტილება, გარდა ხელმეორე არჩევნებისა, როგორ შეიძლება ეს გაკეთდეს, არ მინახავს,- ამის შესახებ „ნაციონალური მოძრაობის“ ერთ-ერთმა წევრმა სალომე სამადაშვილმა ტელეკომპანია „პალიტრანიუსის“ გადაცემა „ნიუსრუმში“ განაცხადა, რითაც უპასუხა კითხვას, მზადაა თუ არა ოპოზიცია საერთაშორისო პარტნიორების მონაწილეობით მმართველ გუნდთან დიალოგისთვის.

როგორც სამადაშვილმა განაცხადა, იმისთვის, რომ ქვეყანაში სტაბილურობა შენარჩუნდეს, კომპრომისის მოძებნა აუცილებელია.

„ყველას ესმის, რომ გამოსავალი ამ ჩიხიდან საბოლოოდ უნდა მოხდეს მოლაპარაკებების გზით. მათ შორის, მოლაპარაკებების საგანი უნდა იყოს, როგორ ვემზადებით განმეორებითი არჩევნებისთვის, როგორ იცვლება ცესკოს შემადგენლობა და როგორ კომპლექტდება ახალი შემადგენლობა. არ მგონია, ვინმეს აქვს აზრი, რომ მხარეებს შორის დიალოგის გარეშე შეიძლება ამ ვითარებიდან გამოსვლა. რა თქმა უნდა, ეს თეორიულად შესაძლებელი არაა, თუმცა ხელისუფლებამ უნდა გააცნობიეროს და მგონი, ეს ჩვენს საერთაშორისო პარტნიორებსაც ესმით, რომ დღეს ქვეყანაში კრიზისს ქმნის ხელისუფლება, რომელსაც აქვს დაკარგული საზოგადოებრივი ნდობის მანდატი და იმისთვის, რომ შევინარჩუნოთ სტაბილურობა და ბოლომდე არ ჩამოგვექციოს ნახევრად დაშლილი ჩვენი სახელმწიფო, ამისთვის აუცილებელია კომპრომისის მოძებნა“,- განაცხადა სამადაშვილმა.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 24.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა