საქართველოს სადაზღვევო ჯგუფი (IGG) ავტომობილების დაზღვევის მიმართულებით მომხმარებელს ბაზარზე არსებულ მინიმალურ ტარიფს სთავაზობს. ამის შესახებ „ინტერპრესნიუსს“ სადაზღვევო ჯგუფიდან აცნობეს.

მათივე ინფორმაციით, მიმდინარე აქციის ფარგლებში, ავტომობილის დაზღვევის შემთხვევაში მინიმალური ტარიფის გარდა, მომხმარებელი თბილისის ერთ-ერთი სავაჭრო ქსელის 50 - ლარიან სასაჩუქრე ვაუჩერს მიიღებს.

„მხოლოდ 2019 წელს კომპანიამ ავტოდაზღვევის კუთხით მომხმარებლებს 2 მლნ ლარამდე ზარალი აუნაზღაურა, ხოლო 2020 წელს უკვე ანაზღაურებულია 1 მლნ ლარამდე ზარალი.

ქონების, ავტომობილებისა და ტვირთების დაზღვევის კომპონენტში 2020 წლის ოქტომბრიდან კომპანია სავალდებულო გადაზღვევის ხელშეკრულებით AA- რეიტინგის მქონე, მსოფლიოში უმსხვილეს გადამზღვეველ კომპანია Scor -ის (www.scor.com), გადზღვევით სარგებლობს.

რეიტინგულ გადამზღვეველ კომპანიასთან გაფორმებული კონტრაქტები უზრუნველყოფენ საქართველოს სადაზღვევო ჯგუფის სადაზღვევო პორტფელის საიმედოობასა და სტაბილურობას. ამასთანავე საშუალებას აძლევს კომპანიის კლიენტებს ისარგებლონ დაზღვევის საუკეთესო პირობებით“, - ნათქვამია ინფორმაციაში.