პოლიციელებო, ნუ გაგიხდით ივანიშვილი მისი შეშის მცველებად,- ამის შესახებ პარლამენტთან მიმდინარე აქციაზე „ნაციონალური მოძრაობის“ ერთ-ერთმა ლიდერმა გიორგი ბარამიძემ განაცხადა.

მან პოლიციას მოუწოდა, ნუ იმოქმედებენ ხალხის წინააღმდეგ.

„მე ახლა მინდა პოლიციელებს მივმართო, ნუ გაგიხდით ივანიშვილი მისი შეშის მცველებად. ჩვენ უნდა ვიამაყოთ თქვენით, როგორც ვამაყობდით ყოველთვის და თქვენ არ ხართ ივანიშვილის მიერ ფეხის შესაწმენდი ინსტრუმენტი და გამოსაყენებელი ინსტრუმენტი, როგორც ლუკაშენკო იყენებს თავის მილიციას. თქვენ არ ხართ მილიცია, თქვენ ხართ საქართველოს პოლიცია“,-აღნიშნა ბარამიძემ.

ცნობისთვის, პოლიციამ აქტივისტებს პარლამენტთან მიმდინარე აქციაზე შეშის შეტანის საშუალება არ მისცა.