კიდევ ერთხელ გვახსენებენ თუ რამხელა საფრთხე და რამხელა შეურაცხყოფა არიან ეს ადამიანები - ივანიშვილი თავის პოლიტიკურ არარაობებთან ერთად ,- ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ პარლამენტთან მიმდინარე აქციაზე განაცხადა, რითაც აქციაზე მოქალაქეების დაკავებას გამოეხმაურა.

მისივე თქმით, ხელისუფლებას აქვს მცდელობა პანდემიის საბაბით პოლიტიკური თავისუფლება შეზღუდოს, რასაც პოლიტიკური ლიდერები არ დაემორჩილებიან.

„იგივე ხელწერა ამ სამარცხვინო რეჟიმის, რასაც ვხედავდით 20 ივნისის აქციების შემდეგ, როცა შეშის შემოტანის გამო აკავებდნენ ადამიანებს. კიდევ ერთხელ გვახსენებენ თუ რამხელა საფრთხე და რამხელა შეურაცხყოფა არიან ეს ადამიანები და მთავარი - ივანიშვილი თავის პოლიტიკურ არარაობებთან ერთად.

ჩვენ ამ სამარცხვინო მცდელობას, პანდემიის საბაბით პოლიტიკური თავისუფლების ჩახშობის არ ვემორჩილებით. თუმცა, ჩვენ ჩვენს მომხრეებს ვუთხარით, რომ არავის ვავალდებულებთ. მე პირადად რაღაც დრო აქ ვიქნები, ჩვენ მომხრეებს ვუთხარით, რომ ფინანსური სანქციების გამო, რაც შეიძლება დაატყდეთ თავს, არ ვავალდებულებთ და პირიქით ვთხოვთ ვისაც უჭირს, რომ არ იყვნენ აქ, ჩვენ აქ ვიქნებით,“- განაცხადა ბოკერიამ „ტვ პირველთან“.