პარლამენტთან საპროტესტო აქციაზე ადმინისტრაციული წესით დაკავებული 4 პირის სახდელის დადებაზე სასამართლო დღეს იმსჯელებს.
სხდომა თბილისის საქალაქო სასამართლოში გაიმართება, თუმცა, ამ ეტაპზე, საათი განსაზღვრული არ არის.
ცნობისთვის, ნოდარ რუხაძე, ლექსო მაჭავარიანი, გიორგი მჟავანაძე და დიმიტრი შუბითიძე გუშინ, 9 ნოემბერს, ადმინისტრაციულ სამართალდარღვევათა კოდექსის 166-ე და 173-ე მუხლების საფუძველზე დააკავეს, რაც პოლიციისადმი დაუმორჩილებლობასა და წვრილმან ხულიგნობას გულისხმობს.