თბილისის საქალაქო სასამართლოსთან მოძრაობა "სირცხვილიას" წარმომადგენლები მივიდნენ. ისინი 9 ნოემბერს, "რუსთაველის გამზირზე", პარლამენტის წინ მიმდინარე საპროტესტო აქციაზე ადმინისტრაციული წესით დაკავებული პირების, ნოდარ რუხაძისა და გიორგი მჟავანაძის სასამართლო პროცესს აპროტესტებენ.
მოძრაობის წევრები სასამართლოსთან პროტესტს მუსიკის ფონზე გამოხატავენ.
ადგილზე მობილიზებული არიან ძალოვანი უწყების წარმომადგენლები.
ამ წუთებში ნოდარ რუხაძისა და გიორგი მჟავანაძის სასამართლო პროცესი მიმდინარეობს.
ცნობისთვის, პარლამენტთან 4 პირი ადმინისტრაციულ სამართალდარღვევათა კოდექსის 166-ე და 173-ე მუხლების საფუძველზე დააკავეს, რაც პოლიციისადმი დაუმორჩილებლობასა და წვრილმან ხულიგნობას გულისხმობს.