საქართველოს საგარეო საქმეთა მინისტრი დავით ზალკალიანი აშშ-ს სახელმწიფო მდივნის, მაიკ პომპეოს საქართველოში დაგეგმილ ვიზიტს Twitter-ის პირად გვერდზე ეხმაურება და ელის, რომ შეხვედრები ნაყოფიერი იქნება.
"ველით საქართველოში სახელმწიფო მდივან პომპეოს ვიზიტს და ნაყოფიერ შეხვედრებს აშშ-საქართველოს სტრატეგიული პარტნიორობის, რეგიონული უსაფრთხოების, ევრო-ატლანტიკური ინტეგრაციის და ჩვენი დემოკრატიული რეფორმების დღის წესრიგის მიმართულებით", –წერს დავით ზალკალიანი.
შეგახსენებთ, 2020 წლის 17-18 ნოემბერს, საქართველოს აშშ-ის სახელმწიფო მდივანი, მაიკო პომპეო ეწვევა. ვიზიტის ფარგლებში, სახელმწიფო მდივანი საქართველოს პრემიერ-მინისტრს, საქართველოს პრეზიდენტს, საქართველოს საგარეო საქმეთა მინისტრს და საქართველოს კათოლიკოს-პატრიარქს შეხვდება.