„ვოლვო ქარ საქართველომ“ დისტანციური გაყიდვების მიმართულება დაიწყო

„ვოლვო ქარ საქართველომ“ დისტანციური გაყიდვების მიმართულება დაიწყო. აღნიშნულის შესახებ „ინტერპრესნიუსს“ „თეგეტა მოტორსიდან“ აცნობეს. როგორც მათ ინფორმაციაშია აღნიშნული, მიმდინარე ეტაპზე, ბათუმისა და ქუთაისის მცხოვრებლებს კომპანია სთავაზობს ონლაინ შეარჩიონ სასურველი მოდელისა და კომპლექტაციის ავტომობილი, რომელსაც „ვოლვოს“ გაყიდვების მენეჯერი თავად ჩაუყვანს ადგილზე.

„ვოლვომ“ ავტომობილის ონლაინ შეძენა კიდევ უფრო მოსახერხებელი გახადა, „volvocars.com“ -ზე მომხმარებელს ავტომობილის 360 გრადუსით დათვალიერება, სასურველი კომპლექტაციის შერჩევა და ონლაინ რეზერვაციის გაკეთება შეუძლია.

„ჩვენ კარგად გვესმის ქვეყანაში არსებული ეპიდემიოლოგიური მდგომარეობა და გვსურს ავტომობილის შეძენა კიდევ უფრო მარტივი გავხადოთ მთელი ქვეყნის მასშტაბით, განსაკუთრებით ისეთ დიდ ქალაქებში, როგორებიცაა ბათუმი და ქუთაისი. სწორედ ამიტომ, მომხმარებელს საშუალება აქვს 360 გრადუსიანი ვიზუალების მეშვეობით დაათვალიეროს ჩვენი სამოდელო რიგი და „შექმენი შენი ვოლვოს“ მეშვეობით ააწყოს სასურველი კომპლექტაცია, ჩვენ კი მის მიერ შერჩეულ ავტომობილს ადგილზე მივუყვანთ,“ - განაცხადა „ვოლვო ქარ საქართველოს“ გენერალურმა მენეჯერმა გაგა კოხრეიძემ.

„ვოლვო ქარ საქართველო“ ავტომობილის შეძენის საუკეთესო პირობებს გთავაზობთ. მიმდინარე აქციის ფარგლებში მომხმარებელს შეუძლია შეიძინოს „ვოლვო XC60“, „S60“ და „S90“ მოდელები 40 000-ლარიანი ფასდაკლებით და ამასთანავე მიიღოს 10 000 ლარის ოდენობის ქეშ ბექი.

„ვოლვომ“ მიმდინარე წლის ზაფხულში, ბათუმის ბულვარის ტერიტორიაზე მინი შოურუმი წარადგინა. ამჟამად, შუშის კონტეინერში ახალი მოდელი, ქალაქის კომპაქტური ქროსოვერი „Volvo XC40“ გამოჩნდა. კონსტრუქციაზე არსებული QR კოდის დასკანირებით მომხმარებელს შეუძლია ავტომობილის მახასიათებლების, ფასისა და სხვა დეტალების ნახვა.

შვედური ბრენდი „ვოლვო ქარსი“ უკვე წელიწადზე მეტია საქართველოში ოპერირებს და მომხმარებელს სთავაზობს პრემიუმ ხარისხის ავტომობილებს, რომლებიც აღჭურვილია მოწინავე ტექნოლოგიებით, ვოლვო მსოფლიოში ყველაზე უსაფრთხო ბრენდის სახელით არის ცნობილი.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში