თამარ კეკენაძე - პომპეო საქართველოში ჩამოდის ქართველი ხალხის და არა „ოცნების“ მხარდასაჭერად

პოლიტიკური პარტია ,,თავისუფალი დემოკრატების“ თავმჯდომარე თამარ კეკენაძე საქართველოში ამერიკის შეერთებული შტატების სახელმწიფო მდივნის მაიკ პომპეოს დაგეგმილ ვიზიტს გამოეხმაურა. თამარ კეკენაძის განცხადებით , სახელმწიფო მდივნის ვიზიტის მიზანი ქართველი ხალხისთვის ამერიკის შეერთებული შტატების მხარდაჭერის კიდევ ერთხელ დაფიქსირებაა.

„სულ ტყუილად ცდილობენ „ქართული ოცნების“ წარმომადგენლები მაიკ პომპეოს საქართველოში ჩამოსვლა, მათ მიმართ პოლიტიკურ მხარდაჭერას დაუკავშირონ. ჩვენი სტრატეგიული პარტნიორების მთავარი ამოცანაა საქართველოს დემოკრატიული განვითარების შეუქცევადობის ხელშეწყობა, ამიტომ ყოველთვის, როდესაც საქართველოში უსაფრთხოებისა თუ პოლიტიკური კუთხით ვითარება მწვავდება, ისინი, როგორც ნამდვილ მეგობრებს შეეფერება, ადგილზე საქართველოში ჩამოსვლით გვიფიქსირებენ მხარდაჭერას, როგორც ჩვენ, ქართველ ხალხს, ასევე ჩვენს არაკეთილმოსურნეებს. სახელმწიფო მდივნის ამჟამინდელი ვიზიტი ორი მიმართულებით არის მნიშვნელოვანი: პირველი - აუცილებელია, რომ ბატონმა პომპეომ დაინახოს, რა განწყობაა საქართველოს მოქალაქეებში გაყალბებული არჩევნების მიმართ. ამ კუთხით აუცილებელია, რომ მან ინფორმაცია მიიღოს როგორც ოპოზიციური პარტიების და არასამთავრობო სექტორის წარმომადგენლებისგან, ასევე ნათლად დაინახოს ქართველი ხალხის მშვიდობიანი და მყარი პროტესტი ქუჩაში.

მეორე - რეგიონში დღეს არსებული უსაფრთხოების სიტუაციიდან გამომდინარე, მაშინ როდესაც, კიდევ უფრო გაიზარდა ოკუპანტი რუსეთის ყოფნა ჩვენს სამეზობლოში, უკიდურესად მნიშვნელოვანია არ შეიქმნას განცდა, რომ დასავლეთმა ხელი ჩაიქნია ჩვენს რეგიონზე. არ მაქვს იმედი, რომ საქართველოს ხელისუფლებას ნათლად ჰქონდეს გააზრებული რა ტიპის ახალი უსაფრთხოების თუ ეკონომიკური გამოწვევების წინაშე დავდექით და შეძლოს სახელმწიფო მდივნის ვიზიტი, სწორედ ამ საკითხების მოგვარებისთვის გამოიყენოს.

„თავისუფალი დემოკრატები“ არ ვცნობთ არჩევნების შედეგებს და საერთო ოპოზიციური ფორმატის ფარგლებში მივმართავთ პროტესტის ყველა ფორმას, რათა დავიცვათ ჩვენი ამომრჩევლის და ქართველი ხალხის არჩევანი.

მინდა ვისარგებლო შემთხვევით და „თავისუფალი დემოკრატების“ გუნდის სახელით მადლობა გადავუხადო ყველას, ვინც პანდემიის მიუხედავად მოვიდა არჩევნებზე. განსაკუთრებული მადლობა მათ, ვინც ჩვენს გუნდს გამოუცხადა ნდობა. „თავისუფალი დემოკრატები“ ვაგრძელებთ ბრძოლას საქართველოს ევროპული მომავლისთვის“, - აცხადებს კეკენაძე, რომლის განცხადებას პარტიის პრესსამსახური ავრცელებს.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება