გიორგი შაქარაშვილის საქმის პროკურორის განცხადებით, ბრალდების მხარემ დაკავებული არასრულწლოვნების საქმეზე არაერთი მტკიცებულება წარადგინა, რაც მათ ბრალეულობას ადასტურებს

ფეხბურთელ გიორგი შაქარაშვილის საქმის პროკურორის, ნანა გუგუტიშვილის განცხადებით, ბრალდების მხარემ დაკავებული არასრულწლოვნების საქმეზე არაერთი მტკიცებულება წარადგინა, რაც მათ ბრალეულობას ადასტურებს.

როგორც გუგუტიშვილი განმარტავს, ადვოკატების პოზიციები, რომ პროკურატურას სასამართლოში მტკიცებულებები წარდგენილი არ აქვს, დაუსაბუთებელია.

„დაცვის მხარის დასკვნითი სიტყვის მოსმენის შემდეგ ჩვენ არ გვაქვს რაიმე განსაკუთრებულის მოლოდინი, ვინაიდან წინაზე დამცველი ადვოკატების დასკვნით სიტყვაში მოვისმინეთ პოზიციები, არგუმენტები და თითქმის, ყველა შემთხვევაში, მოწმეების მიერ მიცემული ჩვენების არასწორი ინტერპრეტაცია, რომელიც დასაბუთებას მოკლებული იყო და სასამართლოს წინაშე გამოკვლეული მტკიცებულებებიდან არ გამომდინარეობდა. ჩვენ ვისარგებლებთ რეპლიკით და სასამართლოს ყურადღებას კიდევ ერთხელ მივაპყრობთ იმ გარემოებაზე, რომ თითქმის ყველა შემთხვევაში, დამცველების მხრიდან სასამართლოში მიცემული ჩვენებების და მტკიცებულებების არასწორი ინტერპრეტაცია ხდებოდა. კიდევ ერთხელ გავამახვილებთ იმ მტკიცებულებებზე ყურადღებას, რომელიც ექვსივე ბრალდებულის დამნაშავეობას ადასტურებს წარდგენილ ბრალდებაში. ბრალდების მხარემ არაერთი მტკიცებულება წარმოადგინა, ვიდეოკამერებზე არის დაფიქსირებული ფაქტები, რასაც დაცვის მხარე უარყოფს და სხვანაირად ცდილობს აღნიშნული ფაქტების წარმოჩენას. მათი პოზიციები, რომ მტკიცებულებები წარმოდგენილი არ არის, დაუსაბუთებელია",- განაცხადა გუგუტიშვილმა.

ცნობისთვის, გიორგი შაქარაშვილის საქმეზე 6 არასრულწლოვანია დაკავებული. მათ ჯგუფურ ძალადობას, ძალადობის ორგანიზებას, მასში მონაწილეობასა და თავისუფლების უკანონო აღკვეთას ედავებიან.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა