რუსეთის პრეზიდენტი ვლადიმერ პუტინი 12 ნოემბერს ოკუპირებული აფხაზეთის დე ფაქტო პრეზიდენტთან ასლან ბჟანიასთან სოჭში მოლაპარაკებებს გეგმავს. ამის შესახებ კრემლის ვებ-გვერდზე განთავსებულ ინფორმაციაშია ნათქვამი.

„დაგეგმილია ორმხრივი სავაჭრო-ეკონომიკური და კულტურულ-ჰუმანიტარული თანამშრომლობის მიმდინარეობა და პერსპექტივების განხილვა.

ასევე, ისაუბრებენ რუსეთსა და აფხაზეთის რესპუბლიკას შორის მოკავშირეობისა და სტრატეგიული პარტნიორობის შესახებ 2014 წლის 24 ნოემბერს ხელმოწერილი დოკუმენტის შესრულების მსვლელობის საკითხზე. განიხილება საკითხი საგარეო პოლიტიკური კოორდინაციისა და რეგიონალური უსაფრთხოების უზრუნველყოფის ურთიერთქმედებათა შესახებ“, - ნათქვამია ინფორმაციაში.

ცნობისთვის, 30 ოქტომბერს ასლან ბჟანია მოსკოვში უკვე იმყოფებოდა.