ნინო ბურჯანაძე - გადატრიალება ხელისუფლებამ მოახდინა, როცა ხალხს ხმები მოპარა - რომ არ შევუვარდით და კინწისკვრით არ გამოვყარეთ, მადლობა თქვან!

იცით რა არის კომპრომისი ოპოზიციის მხრიდან?! - რომ არ შევუვარდით 40-ათასი კაცით და ფანჯრებიდან არ გადმოვყარეთ, აი ეს არის კომპრომისი! - ამის შესახებ “ერთიანი საქართველო-დემოკრატიული მოძრაობის“ ლიდერმა ნინო ბურჯანაძემ “პალიტრანიუსის“ გადაცემა “360 გრადუსში“ განაცხადა.

ამ კონტექსტში ბურჯანაძემ ხაზგასმით აღნიშნა, რომ ქვეყანაში დესტაბილიზაციის წყარო სწორედ ხელისუფლებაა.

მისივე შეფასებით, ბიძინა ივანიშვილი პოლიტიკური კლასის განადგურებასა და პოლიტიკური ცხოვრების ვაჭრობად ქცევას ცდილობს, რისი საშუალებასაც არ მისცემს.

“გადატრიალება ხელისუფლებამ მოახდინა, როცა ხალხს არჩევნებში ხმები მოპარა. 9 ათასი ხმა მარტო აჭარაში მაქვს მოპარული - ეს უნამუსო ქურდები და თაღლითები! რატომ უნდა ვაპატიო ბიძინა ივანიშვილს, ირაკლი კობახიძეს და ვიღაცებს ის, რომ 9 ათასს ადამიანს, რომელიც მძიმე ეპიდემიოლოგიურ ვითარებაში შეწუხდა, მოვიდა არჩევნებზე და შედეგების გამოცხადებას ელოდა, უთხრეს: - თქვენ საერთოდ ვინ ხართ! გადატრიალება ხელისუფლებამ მოახდინა. მადლობა თქვან, რომ ძალიან პასუხისმგებლობის მქონენი ვართ ჩვენ, ოპოზიციის წარმომადგენლები და ძალიან პასუხისმგებლობის მქონეა ის ხალხი, რომ არ შევუვარდით და კინწის კვრით არ გამოვყარეთ, დიდი მადლობა თქვან!“, - განაცხადა ნინო ბურჯანაძემ.

მისივე თქმით, თუკი ხელისუფლებასთან “ წესიერი დიალოგი“ იქნება, ოპოზიცია ქუჩის აქციებს დროებით შეწყვეტს და მოლაპარაკებების პროცესში არჩევნების გონივრულ თარიღზე შეთანხმებას ეცდება.

“ეს არის ძალიან დიდი კომპრომისი ოპოზიციის მხრიდან“, - დასძინა ნინო ბურჯანაძემ.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა