იტალიაში კორონავირუსით ინფიცირებულთა რაოდენობამ 1 მილიონს გადააჭარბა, - ამის შესახებ ინფორმაციას Reuters-ი ავრცელებს.
სააგენტოს ცნობით, ქვეყანაში ბოლო 24 საათში კორონავირუსის 32 961 ახალი შემთხვევა გამოვლინდა და ინციფირებულთა რიცხვმა, საერთო ჯამში, 1.028 მილიონს მიაღწია.
ამასთან, პანედმიის დაწყების დროიდან იტალიაში ვირუსს 42 953 ადამიანის სიცოცხლე ემსხვერპლა. ამ მაჩვენებლით იტალია მეორე ადგილზეა ევროპაში ბრიტანეთის შემდეგ.
Reuters-ი წერს, რომ კოვიდ 19-ით ინფიცირების გლობალური რაოდენობის დაახლოებით 2/3-ი 10 ქვეყანაზე მოდის და ამ 10 ქვეყანაში ევროპის 5 ქვეყანაა : იტალია, რუსეთი, საფრანგეთი, ესპანეთი და ბრიტანეთი.
იხილეთ ვიდეო: იტალიაში კორონავირუსით ინფიცირებულთა რაოდენობამ 1 მილიონს გადააჭარბა