საფრანგეთში, გასული დღის განმავლობაში კორონავირუსის 35 879 ახალი შემთხვევა გამოვლინდა და ინფიცირებულთა საერთო რაოდენობა 1 865 538-მდე გაიზარდა, - ამის შესახებ ინფორმაციას Reuters-ი ავრცელებს.
სააგენტოს ცნობით, კოვიდინფიცირებულთა რაოდენობით საფრანგეთმა რუსეთს გაუსწრო და მეოთხე ადგილზეა მსოფლიოში, ევროპის რეგიონში კი პირველ ადგილს იკავებს.
ამასთან, საფრანგეთში კოვიდ 19-ს კიდევ 328 ადამიანის სიცოცხლე ემსხვერპლა და დაღუპულთა რიცხვმა 42 535-ს მიაღწია.
საფრანგეთში თითქმის ორი კვირაა საყოველთაო კარანტინია დაწესებული. დახურულია რესტორნები, კაფეები და ის მაღაზიები, სადაც აუცილებელი მოხმარების პროდუქტები არ იყიდება.
იხილეთ ვიდეო: საფრანგეთმა ინფიცირებულების რაოდენობით რუსეთს გაუსწრო და მეოთხე ადგილზეა მსოფლიოში