გიორგი გახარია - დესტრუქციულ ნაბიჯებს ჩვენი მოქალაქეების მხარდაჭერა არ ექნება

კარგად მესმის, გარკვეული დესტრუქციული ნაბიჯები და ქმედებები გაგრძელდება, თუმცა, ყველანი კარგად უნდა შევთანხმდეთ იმაზე, რომ მსგავს დესტრუქციულ ნაბიჯებს ჩვენი მოქალაქეების მხარდაჭერა არ ექნება და ვერ ექნება,- ამის შესახებ პრემიერ-მინისტრმა გიორგი გახარიამ მთავრობის სხდომაზე განაცხადა.

როგორც მან აღნიშნა, საქართველოს მოსახლეობის დავალებაა, რომ რაც შეიძლება სწრაფად იპოვონ გამოსავალი შექმნილი მდგომარეობიდან.

„თვითონ პოლიტიკური პროცესის შეფასება დღეს სულ უფრო და უფრო მეორეხარისხოვანი ხდება. ჩვენი მოქალაქეების და მოსახლეობის დავალებაა, რომ ამ პოლიტიკური მდგომარეობიდან სწრაფი გამოსავალი უნდა ვიპოვოთ. ეს არის მოსახლეობის და ჩვენი მოქალაქეების დავალება. მე დარწმუნებული ვარ, რომ პოლიტიკური სპექტრი ამას სრულად იზიარებს, იმის მიუხედავად, რომ კარგად მესმის გარკვეული დესტრუქციული ნაბიჯები და ქმედებები გაგრძელდება, თუმცა, ყველანი კარგად უნდა შევთანხმდეთ იმაზე, რომ მსგავს დესტრუქციულ ნაბიჯებს ჩვენი მოქალაქეების მხარდაჭერა არ ექნება და ვერ ექნება. ეს ნათელი გახდა 31 ოქტომბერს, როცა საქართველოს მოქალაქემ 9 პოლიტიკური ძალა აღჭურვა მანდატით, წარმოდგენილნი ყოფილიყვნენ საქართველოს უმაღლეს საკანონმდებლო ორგანოში და ეს მანდატი იყო და არის პასუხისმგებლობის მანდატი, პასუხისმგებლობის ქვეყანაზე და მომავალზე. ყველას უნდა გვახსოვდეს, რა მომენტში გააკეთა ეს საქართველოს მოქალაქემ, გააკეთა მაშინ, როცა მძვინვარებდა ფართომასშტაბიანი ომი რეგიონში, მაშინ როცა გლობალური პანდემია სულ უფრო და უფრო ძალას იკრებს, მაშინ როცა ეკონომიკური კრიზისი უფრო მძიმდება და ეს ყველაფერი იყო გამიზნული მესიჯი თითოეული პოლიტიკური ძალისთვის და პოლიტიკოსისთვის - ერთად მოუარეთ ქვეყანას და ერთად იპოვეთ გამოსავალი ამ გამოწვევებით სავსე ეპოქაში კრიზისებიდან. ჩვენ ყველას კარგად გვესმის, რომ ყველაზე მეტად რაც დღეს გვჭირდება, ეს არის მდგრადი პოლიტიკური პროცესი იმისთვის, რომ საქართველოს ამბიციური ევროპული გეგმა განვახორციელოთ და გავაგრძელოთ ამ გეგმის შესრულება. ეს არის ყველაზე მნიშვენლოვანი და თვითონ საარჩევნო პროცესი და მისი შემდგომი პროცესი უნდა იყოს კიდევ ერთი დადასტურება საქართველოში შემდგომი დემოკრატიული განვითარების გაძლიერების,“- განაცხადა გახარიამ.

იხილეთ ვიდეო: დესტრუქციულ ნაბიჯებს ჩვენი მოქალაქეების მხარდაჭერა არ ექნება

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა