ნათია თურნავა - მრავალწლოვანი კულტურების მოსაყვანად ფერმერები საკრედიტო - საგარანტიო სქემაში ჩართვას შეძლებენ

ეკონომიკისა და მდგრადი განვითარების მინისტრის ნათია თურნავას განცხადებით, ფერმერები, რომლებიც მრავალწლოვანი სასოფლო-სამეურნეო კულტურების მოყვანით არიან დაკავებული, პროგრამის „აწარმოე საქართველოში“ საკრედიტო - საგარანტიო სქემაში ჩართვას შეძლებენ.

როგორც მინისტრი აღნიშნავს, ამ გადაწყვეტილებით მთავრობამ კიდევ ერთხელ დაამტკიცა, რომ სოფლის მეურნეობა ერთ-ერთი პრიორიტეტია და მის განვითარებას სათანადო ყურადღება ექცევა.

„კომპანიებს ან ინდმეწარმეებს, რომლებიც მრავალწლოვანი კულტურების მოსაყვანად საბანკო სესხებს იზიდავენ, სესხის პროცენტს სოფლის მეურნეობის პროგრამების ფარგლებში უსუბსიდირებენ. ამ გადაწყვეტილებით, ჩვენ მათ დამატებით საკრედიტო - საგარანტიო სქემაში ჩართვას ვთავაზობთ. საუბარია ისეთი მრავალწლოვანი კულტურების მოყვანაზე, როგორიცაა ყურძენი, ციტრუსები, სხვადასხვა სუბტროპიკული ხილი და სხვ. ამით მეწარმეებს შეეძლებათ ერთდროულად ისარგებლონ სახელმწიფოს ორივე პროგრამით, როგორც უზრუნველყოფით, ასევე ბანკის პროცენტის სესხის თანადაფინანსებით. სოფლის მეურნეობა არის ჩვენი ერთ-ერთი უდიდესი პრიორიტეტი, როგორც საექსპორტო მიმართულებით, ასევე დასაქმებისა და ახალი სამუშაო ადგილების შექმნის კუთხით,“ - განაცხადა ეკონომიკისა და მდგრადი განვითარების მინისტრმა.

აღნიშნულ ინფორმაციას ეკონომიკისა და მდგრადი განვითარების სამინისტრო ავრცელებს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს