გიგი უგულავას შეფასებით, ევროპარლამენტარების განცხადება „აბსოლუტურად სწორი, ლოგიკური და დროულია"

„ევროპული საქართველოს" ერთ-ერთი ლიდერის გიგი უგულავას შეფასებით, ევროპარლამენტარების განცხადება „აბსოლუტურად სწორი, ლოგიკური და დროულია".

როგორც ის აღნიშნავს, გაყალბებულ არჩევნებზე პასუხისმგებლობა ხელისუფლებას ეკისრება.

„პასუხისმგებლობა გაყალბებულ არჩევნებზე, პოლიტპატიმრებზე, ბუნებრივია, ეკისრება ხელისუფლებას. არავის არ სჯერა, რომ ცალკე რომელიმე მოსამართლე თავის შინაგანი რწმენით იღებს გადაწყვეტილებას, როდესაც პოლიტპატიმრებს იჭერს. ჩვენ ვხედავთ, რომ კონვეერი აქვთ გაკეთებული, იჭერენ და იჭერენ ადამიანებს. ამავე დროს გაყალბებულ არჩევნებზე ყველა ქვეყანაში პასუხისმგებლობა ეკისრება მოქმედ ხელისუფლებას. გამოსავალი ჩვენ შევთავაზეთ ჩვენს პარტნიორებსაც, ისევე როგორც საზოგადოებას და ახლა ველოდებით ხელისუფლების რეაქციას",- განაცხადა უგულავამ.

ცნობისთვის, ევროპარლამენტარები ანდრიუს კუბილიუსი, რასა იუკნევიჩიენჩი და სიგიზმუნდ პავილიონისი საქართველოში საპარლამენტო არჩევნების შემდეგ განვითარებულ მოვლენებთან დაკავშირებით ერთობლივ განცხადებას ავრცელებენ.

ევროპარლამენტარები გამოთქვამენ მზადყოფნას, ხელისუფლებას, ოპოზიციასა და ხალხს შორის დიალოგში კონსტრუქციული როლი შეასრულონ.

გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
ქართული პრესის მიმოხილვა 20.01.2022
ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს