ქსელის გეგმური სარეაბილიტაციო სამუშაოების გამო, ხვალ, 13 ნოემბერს 11:00-დან 18:00 საათამდე ელექტროენერგიის მიწოდება შეეზღუდება აბონენტებს დუშეთის რაიონის სოფლებში გუდაური, ქუმლისციხე, ქვეშეთი, სეთურნი, კობი და მიმდებარე სოფლებში. ამის შესახებ ინფორმაციას „ენერგო-პრო ჯორჯია“ ავრცელებს.
კომპანიის ინფორმაციითვე, 14:00-დან 18:00 საათამდე ელექტრომომარაგება შეუწყდება აბონენტებს მცხეთის რაიონის სოფლებში თხინვალა, ლისი და მიმდებარე ტერიტორიაზე.
სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.