გარი ვაინერჩუკის მონაწილეობით „თიბისი" ბიზნესფორუმს უმასპინძლებს

19 ნოემბერს, „თიბისი" უმასპინძლებს ონლაინ ბიზნესფორუმს, სადაც მთავარი სპიკერი ანტრეპრენერი, VaynerX-ის დამფუძნებელი გარი ვაინერჩუკი იქნება,- ამის შესახებ „ინტერპრესნიუსს" „თიბისიდან" აცნობეს.

მათივე ინფორმაციით, ბიზნესფორუმზე დასასწრები რეგისტრაციის ლინკი კი, „თიბისის" ფეისბუქ გვერდზე გამოქვეყნდება.

„გარი ვაინერჩუკი საკმაოდ ცნობილი ადამიანია ციფრულ მარკეტინგსა და სოციალურ მედიაში, ის არის დამფუძნებელი და გენერალური დირექტორი საკომუნიკაციო და სარეკლამო კომპანიებისა VaynerX და VaynerMedia. მისი კომპანიების სათაო ოფისები მდებარეობს ნიუ-იორკში და ისინი ემსახურებიან Fortune 100-ის სიაში მყოფ ბიზნესებს თავიანთი 4 ლოკაციიდან, რომლებიც მსოფლიოს სხვასხვა ქვეყანაში მდებარეობს. ვაინერჩუკი ბელორუსიული წარმომავლობის ამერიკელია, რომელმაც 90-იან წლებში ოჯახის კუთვნილი სასმელების მაღაზია მრავალმილიონიან ბიზნესად აქცია და ამისთვის მან ელექტრონული კომერცია და ინტერნეტის შესაძლებლობები გამოიყენა. ასე შეიქმნა მისი პირველი კომპანია Wine Library. ის ასევე არის რესტორნების სარეზერვაციო აპის Resy-ს შემქმნელი. მაგრამ ეს ყველაფერი არასრული ჩამონათვალია იმასთან შედარებით, რასაც ვაინერჩუკი აკეთებს. ის ცნობილი სპიკერი, პოდკასტების სერიის და არაერთი წიგნის ავტორია, რომლებიც ნიუ-იორკ თაიმსის ბესტსელერებად დასახელდა. ის ატარებს მასტერკლასებს და ტრენინგებს მსოფლიოს მრავალ ქვეყანაში, ძირითადად ციფრული კომუნიკაციისა და მარკეტინგის შესახებ. მისი მოსმენის შესაძლებლობა პირველად მიეცემა ქართველ აუდიტორიას, გარი ვაინერჩუკი თიბისის ბიზნესფორუმის სტუმარია, რომელზეც მას ექნება Q&A სესია, სადაც ის აუდიტორიის შეკითხვებს უპასუხებს. ამას გარდა ბიზნესფორუმზე სხვა არანაკლებ საინტერესო სპიკერების მოსმენასაც შეძლებთ",-აღნიშნულია ინფორმაციაში.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 03.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა