ეროვნული მოძრაობის წევრი, ორი მოწვევის პარლამენტარი, ლანჩხუთის მაჟორიტარი დეპუტატი, ბიძინა გუჯაბიძე გარდაიცვალა. ამის შესახებ ინფორმაცია „ინტერპრესნიუსს“ ოჯახის ახლობლებმა დაუდასტურეს.
მათი ინფორმაციით, ბიძინა გუჯაბიძეს გულთან დაკავშირებული პრობლემები ჰქონდა. ის გულის შეტევის შედეგად გარდაიცვალა.
ცნობისთვის, ბიძინა გუჯაბიძე 1956 წლის 24 თებერვალს დაიბადა. ბიძინა გუჯაბიძე 2004 და 2012 წლებში საქართველოს პარლამენტის დეპუტატი იყო.