14 ნოემბერს, დიაბეტის საერთაშორისო დღესთან დაკავშირებით, კლინიკა „ნიუმედი“ დიაბეტით დაავადებულებს გრიპზე უფასო ვაქცინაციასთან ერთად Covid-19-ის სწრაფ ტესტსაც უფასოდ ჩაუტარებს. ამის შესახებ „ინტერპრესნიუსს“ კლინიდან აცნობეს,
კლინიკის ადმინისტრაციის განცხადებით, Covid-19-ის ტესტირება უფასოდ ჩაუტარდება იმ ადამიანებს, რომლებიც კლინიკა ნიუმედში რეგისტრაციას გაივლიან. „იმისთვის, რომ მონაწილეობა მიიღოთ აქციაში უნდა გაიაროთ წინასწარი რეგისტრაცია შემდეგ ბმულზე: http://www.newmed.ge/?page_id=426 .
წინასწარი რეგისტრაციის გავლის შემთხვევაში, ბენეფიციარს დაუკავშირდება შესაბამისი მენეჯერი და კლინიკა „ნიუმედში“ მოსარგებლეს საბოლოო რეგისტრაციის შემდეგ, სწრაფი ტესტით უფასოდ ჩაუტარდება Covid-19-ის დიაგნოსტირება, რომლის პასუხი 15 წუთში იქნება. ტესტი აჩვენებს არა მხოლოდ იმას, მიმდინარედ გაქვთ თუ არა COVID 19, (ამ შემთხვევაში ტესტზე პოზიტიური იქნება M ნიშნული), არამედ წარსულში გადატანილი გაქვთ, თუ არა კოვიდინფექცია (ამ შემთხვევაში ტესტზე დადებითი იქნება G ნიშნული)“ - ნათქვამია ინფორმაციაში.