ფეხბურთის ფედერაციაში აცხადებენ, რომ ფედერაციის შენობასთან გამართული აქციის ერთ-ერთი ორგანიზატორი ნიკა მელია იყო

საქართველოს ფეხბურთის ფედერაციის გენერალური მდივანის, დავით მუჯირის განცხადებით, ფედერაციასთან გამართული აქცია „ნაციონალური მოძრაობის“ ერთ-ერთი ლიდერის ნიკა მელიას და საქართველოს ნაკრების ყოფილი მცველის, კახაბერ ალადაშვილის მიერ იყო დაორგანიზებული.

მისივე თქმით, ფეხბურთიის ფედერაცის წარმომადგენლები ქართველ გულშემატკივარს არ დაპირისპირებიან და დაუპირისპირდნენ მათ, ვინც ,,პროვოკატორები არიან და არასახელმწიფოებრივად მოქმედებენ“.

„ფეხბურთის ფედერაციიდან არავინ, მათ შორის ვეტერანი ფეხბურთელებიც ქართველ გულშემატკივარს არ დაპირისპირებიან. დღეს, როდესაც ქართულ ფეხბურთს მძიმე წუთები აქვს და ნამდვილი გულშემატკივარი სინანულით არის განწყობილი, ფედერაციასთან მოვიდა პროვოკატორთა ჯგუფი. მელიას და ალადაშვილის დაორგანიზებული აქცია ფეხბურთის ფედერაციასთან არაფერ შუაში არ არის. ფეხბურთის ფედერაციის წარმომადგენლები შესაძლოა, დაუპირისპირდნენ მათ ვინც პროვოკატორები არიან და არასახელმწიფოებრივად მოქმედებენ, თუმცა ნამდვილი ქართველი გულშემატკივარი დიდი სინანულით არის განწყობილი“, - განაცხადა დავით მუჯირმა.

მისივე თქმით, გაუგებარია რატომ ხდება დღეს პროვოკაციები და ჩვენს გუნდს ისე როგორც არასდროს, ახლა სჭირდება გამხნევება.

,,ერთი ნაბიჯი დაგვაკლდა ევროპის ჩემპიონატამდე და ისე როგორც არასდროს, ჩვენს გუნდს სჭირდება მხარდაჭერა. ორ დღეში ოფიციალური თამაში გვაქვს სომხეთის ნაკრებთან და საერთოდ ვერ ვხვდები, რატომ არის დღეს ეს პროვოკაციები იქიდან გამომდინარე, რომ ეროვნულ ნაკრებს ერთა ლიგის გათამაშების კიდევ ორი დასკვნითი ეტაპი აქვს. ისე როგორც არასდროს, ჩვენს გუნდს სჭირდება ახლა გამხნევება. დარწმუნებული ვარ, რომ რაოდენობრივად ჩვენ უფრო ბევრნი ვართ, ფეხბურთის გულშემატკივრები, მაგრამ ყველაზე მეტი ჩვენმა ფეხბურთელებმა დაკარგეს ის, რომ ევროპის ჩემპიონატის შანსი ვერ გამოიყენეს“, - აღნიშნა დავით მუჯირმა.

შეგახსენებთ, რომ საქართველოს ფეხბურთის ფედერაციასთან ხმაური იყო. აქტივისტების პროტესტი იმან გამოიწვია, რომ საქართველო-ჩრდილოეთ მაკედონიის გუშინდელ საფეხბურთო მატჩზე გულშემატკივრებს დასწრების საშუალება არ მისცეს, თუმცა, მატჩს მმართველი გუნდის წევრები დაესწრნენ.

სამოქალაქო აქტივისტები ფედერაციაში ჯორჯ ორუელის „ცხოველების ფერმის“ შეგზავნას გეგმავდნენ, რის გამოც ფედერაციის თანამშრომლებსა და აქტივისტებს შორის დაპირისპირება მოხდა.

იხილეთ ვიდეო: ფეხბურთის ფედერაციაში აცხადებენ, რომ ფედერაციის შენობასთან გამართული აქციის ერთ-ერთი ორგანიზატორი ნიკა მელია იყო

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!