ვისაც მოსახვედრი ჰქონდა, უნდა მოხვდეს, - ამის შესახებ საქართველოს ნაკრების ვეტერანმა ფეხბურთელმა, ფეხბურთის ფედერაციის წარმომადგენელმა ლევან ცქიტიშვილმა ჟურნალისტებთან საუბრისას, ფეხბურთის ფედერაციასთან მომხდარი დაპირისპირების შემდეგ განაცხადა.

„მოსახვედრს მოხვდა, ვისთვისაც საჭირო იყო. ბოდიში ოპერატორს თუ შეგეხეთ, მაგრამ ვისაც მოსახვედრი ჰქონდა უნდა მოხვდეს“, - განაცხადა ლევან ცქიტიშვილმა ჟურნალისტებთან.

ცნობისთვის, საქართველოს ფეხბურთის ფედერაციასთან ხმაური და ფიზიკური დაპირისპირება იყო. სამოქალაქო აქტივისტები ფედერაციაში ჯორჯ ორუელის „ცხოველების ფერმის“ შეგზავნას გეგმავდნენ, რის გამოც ფედერაციის თანამშრომლებსა და აქტივისტებს შორის დაპირისპირება მოხდა.

აქტივისტების განცხადებით, განსაკუთრებული აგრესიით გამოირჩეოდა ორი პირი, მათ შორის ერთი ვეტერანი ფეხბურთელი ლევან ცქიტიშვილი იყო.