შაქარაშვილის საქმეზე მსჯავრდებულის ადვოკატი - მოსამართლემ გუშინწინ დაამთავრა განხილვა და 2 დღეში დაადგინა განაჩენი, რაც ნიშნავს, რომ განაჩენი დიდი ხნის წინ ჰქონდა დაწერილი

მოსამართლემ გუშინწინ დაამთავრა სისხლის სამართლის საქმის განხილვა და ორ დღეში დაადგინა განაჩენი, რაც პირდაპირ ნიშნავს, რომ განაჩენი დიდი ხნის წინ ჰქონდა დაწერილი, - ამის შესახებ ფეხბურთელ გიორგი შაქარაშვილის საქმეზე მსჯავრდებული გიორგი მერაბიშვილის ადვოკატმა როსტომ კერესელიძემ განაცხადა.

მისივე განმარტებით, მოსამართლემ უსამართლო გადაწყვეტილება მიიღო, რითაც პროკურატურას ასიამოვნა.

„მიუხედავად იმისა, რომ არსებობდა მცირეოდენი იმედი იმისა, რომ სასამართლო რომელიმე ბრალდებულის მიმართ რომელიმე ნაწილში ობიექტური იქნებოდა, სამწუხაროდ, სასამართლომ პირდაპირ გაიზიარა პროკურატურის პოზიციები და რაც ბრალად ჰქონდა წარდგენილი ყველა პირს, ყველა მუხლში, ყველა ნაწილში, გაამტყუნა. ეს იმდენად უკანონო განაჩენია, იურისტიც არ უნდა იყო, რომ დაადგინო ბრალდებული პირები დამნაშავეები რომ არ არიან. განსაკუთრებით, გიორგი მერაბიშვილი. მოსამართლემ გუშინწინ დაამთავრა სისხლის სამართლის საქმის განხილვა და ორ დღეში დაადგინა განაჩენი, რაც პირდაპირ ნიშნავს, რომ განაჩენი დიდი ხნის წინ ჰქონდა დაწერილი მოსამართლეს, ედო კარადაში, დღეს გადმოიღო და წაიკითხა. სამწუხაროა, ასეთი კვალიფიკაციის და გამოცდილების მქონე მოსამართლე ასეთ უსამართლო გადაწყვეტილებას რომ იღებს. გადაწყვეტილების მიზანი არის ის, რომ პროკურატურას ასიამოვნოს, საზოგადოებრივი მუხტი და უკმაყოფილება არ იყოს წარმოჩენილი",- განაცხადა კერესელიძემ.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა