დაავადებათა კონტროლის ცენტრის ხელმძღვანელის ამირან გამყრელიძის განცხადებით, სამედიცინო უნივერსიტეტებიდან კორონავირუსის მართვის პროცესში ჩართვის სურვილი, მე-5-მე-6 კურსის 1800-მდე სტუდენტმა გამოთქვა, საიდანაც მოკლეხნიანი გადამზადება 700-მდე მათგანმა გაიარა და ისინი ექიმების ასისტენტებად და ექთნებად გამწესდნენ.
როგორც „ინტერპრესნიუსის“ კითხვის პასუხად ამირან გამყრელიძემ განაცხადა, გამოცხადებულია სამედიცინო პერსონალის, ექიმების, ექთნების, სრული მობილიზაცია.
„გამოცხადებულია მათი მობილიზაციაც, რომლებიც არიან ასევე პენსიაზე ან არ არიან დღეს დასაქმებულები. ასევე არიან არასამკურნალო პროფილის ექიმები, იგივე სტომატოლოგები, რომლებიც შეიძლება ფართოდ იყვნენ გამოყენებული სხვა ქოლ-ცენტრებში, ნიმუშების ასაღებად და ა.შ. ამის ბევრი მაგალითია ყველა ქვეყანაში და ახლა ველოსიპედს არ ვიგონებთ“, - განაცხადა გამყრელიძემ.