დაავადებათა კონტროლის ეროვნული ცენტრის გადამდებ დაავადებათა ცენტრის ხელმძღვანელის ხათუნა ზახაშვილის განცხადებით, სწავლა და ნორმალურ რეჟიმში სააღმზრდელო პროცესის ჩატარება მნიშვნელოვანია, მაგრამ მათი დისტანციურ რეჟიმზე ყოფნა საზოგადოების თავშეყრას ამცირებს.
მისივე თქმით, ასე დიდხანს გაგრძელება შეუძლებელია.
„ძალიან კარგად ვაცნობიერებთ იმას, რომ ბავშვებს ბაღებში, უმთავრეს შემთხვევებში ბებია-ბაბუები ატარებენ. ეს არიან ადამიანები, რომლებიც ბავშვებს საზოგადოებრივი ტრანსპორტით დაყვებიან. საბავშვო ბაღებისა და სკოლების დისტანციურ რეჟიმზე გადაყვანა ერთ-ერთი საშუალებაა საზოგადოების თავშეყრა შემცირდეს. თუმცა ძალიან კარგად ვაცნობიერებთ იმას, რომ სწავლა და ნორმალურ რეჟიმში სააღმზრდელო პროცესის ჩატარება ქვეყნისა და ჩვენი მომავალი თაობებისთვის ძალიან მნიშვნელოვანია და ასე დიდხანს გაგრძელება ძნელი და შეუძლებელია“, - განაცხადა ზახაშვილმა.