სერგი კაპანაძის განცხადებით, ცესკო პოლიტიკური პარტიების მიერ შეტანილი საჩივრების „სერიოზულად განხილვას არ აპირებს“

„ევროპული საქართველოს“ ერთ-ერთი ლიდერი, სერგი კაპანაძე დღეს, ცენტრალურ საარჩევნო ადმინისტრაციაში ჩანიშნულ შემაჯამებელ სხდომას ეხმაურება და აცხადებს, რომ ცესკო პოლიტიკური პარტიების მიერ შეტანილი საჩივრების სერიოზულად განხილვას არ აპირებს.

როგორც კაპანაძე აღნიშნავს, „ცესკო აპირებს, რომ ერთ პუნქტში ყველა პოლიტიკური პარტიის საჩივარი განიხილოს ისე, რომ დროც არ დაუთმოს“.

„დღეს, 18:00 საათზე, ცენტრალურმა საარჩევნო კომისიამ ჩანიშნა შემაჯამებელი სხდომა, სადაც უკვე გამოქვეყნებული დღის წესრიგის მიხედვით აპირებს, რომ განიხილოს ყველა საჩივარი ერთად. დღის წესრიგში ერთი პუნქტია და აქ საუბარია ყველა პოლიტიკური ძალის 138 საჩივარზე, რომელიც ეხება ყველა ოლქის ან ოლქების დიდი ნაწილის შედეგების გაუქმებას. აქ საუბარია ძალიან ხანგრძლივ პროცეზე. თითოეულ პოლიტიკურ პარტიის მიერ შეტანილი საჩივრები, მათ შორის „ევროპულ საქართველოს“ , რომელმაც 30 ოლქის გაუქმებაზე ცალ-ცალკე შეიტანა საჩივარი, არის დასაბუთებული და საჭიროებს განხილვას. ცესკო აპირებს, რომ ერთ პუნქტში ყველა პოლიტიკური პარტიის საჩივარი განიხილოს ისე, რომ დროც არ დაუთმოს იმიტომ, რომ 18:00 საათზე ჩანიშნეს სხდომა და 22:00 საათზე მუშაობას ასრულებენ. როგორ ჩანს, უბრალოდ ხელს აწერენ და ყველაფერზე იტყვიან უარს. ასევე, ცესკო დღესვე აპირებს, რომ შეაჯამოს არჩევნები და გამოაქვეყნოს შემაჯამებელი ოქმი. ცესკო-მ ამით დაადასტურა, რომ არ აპირებს არცერთი საჩივრის სერიოზულად განხილვას. ისე როგორც არც საოლქო კომისიები არ განიხილავდნენ სერიოზულად, ისევე როგორც სასამართლოებმა არ განიხილეს სერიოზულად არც ერთი პოლიტიკური ძალის საჩივარი, ზუსტად ანალოგიურად, ცესკო-ც აპირებს, რომ ერთი ხელის მოსმით ამდენი საჩივარი განიხილოს რამდენიმე წუთში და დღესვე გააფორმოს, რომ მეორე ტურები იქნება 21 ნოემბერს. ამით „ქართულმა ოცნებამ“ და ცესკო-მ კიდევ ერთხელ ხაზი გაუსვა, რომ უარს ამბობს სერიოზულად განიხილოს საჩივრები, გაასწოროს დარღვევები და უარს ამბობს გადახედოს ქართველი ხალხის ნების გაყალბებას“,- განაცხადა კაპანაძემ.

ცნობისთვის, დღეს 18:00 საათზე ცენტრალურ საარჩევნო ადმინისტრაციაში შემაჯამებელი სხდომა გაიმართება, სადაც პოლიტიკური პარტიების საჩივრებს განიხილავენ.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 26.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო