შაქარაშვილის საქმის პროკურორი - ვერ წარმოგვიდგენია, რატომ იყო დაცვის მხარისთვის გამამტყუნებელი განაჩენი მოულოდნელი

ფეხბურთელ გიორგი შაქარაშვილის საქმის პროკურორი, ნანა გუგუტიშვილი გამორიცხავს ადვოკატების განცხდებას, რომლის მიხედვითაც, სასამართლო განაჩენის გამოტანისას საზოგადოებივი აზრის გავლენის ქვეშ მოექცა.

როგორც გუგუტიშვილი განმარტავს, სასამართლომ ერთადერთი, სწორი და კანონიერი გადაწყვეტილება მიიღო. პროკურორს უკვირს, თუ რატომ იყო ადვოკატებისთვის გამამტუნებელი განაჩენი მოულოდნელი.

„რა თქმა უნდა, გამამტუნებელი განაჩენის მოლოდინი გვქონდა, ვინაიდან, იმ მტკიცებულებების შეფასების საფუძველზე, რომელიც სასამართლოში გამოვიკვლიეთ, სხვა გონივრული მოლოდინი გარდა გამამტყუნებელი განაჩენისა, არ გვქონია. ჩვენი მოლოდინი გამართლდა, რადგან ჩვენ მიერ წარმოდგენილი მტკიცებულებები ერთმანეთთან შეთანხმებული, აშკარა, დამაჯერებელი იყო თითოეულ ბრალდებულთან მიმართებაში. მიგვაჩნია, რომ ეს იყო სწორი, კანონიერი გადაწყვეტილება, თუკი, სასამართლო სხვა გადაწყვეტილებას გამოიტანდა, ეს იქნებოდა უკანონო გადაწყვეტილება, ვინაიდან, ამის საფუძველს მტკიცებულებები არ იძლეოდა.

ადვოკატები პროცესების შემდეგ გამოდიოდნენ და მედიასთან აკეთებდნენ არასწორ და საკუთარი ინტერპრეტაციით განმარტებას ისეთ ფაქტზე, რაც ვიდეოკამერებზე იყო დაფიქსირებული და ამ ფაქტებს უარყოფდნენ. ეს მათი პოზიციაა, რომელიც არცერთი მტკიცებულებით არ დასტურდება. სახეზე იყო არაერთი პირის, მოწმის ჩვენება, წარმოდგენილი იყო არაერთი ნივთიერი მტკიცებულება, ვიდეოჩანაწერები. შესაბამისად, ვერ წარმოგვიდგენია, რატომ იყო დაცვის მხარისთვის გამამტყუნებელი განაჩენი მოულოდნელი“, - განაცხადა გუგუტიშვილმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!